17/7/2004～作為香港人......對於香港球迷所做的一切, 完全感到羞恥!

今日跟小肥君, 小詩子 &珊珊去睇世界女排大獎賽.......頭場係意大利 vs 泰國, 尾場係「中美大戰」........

1st match: 意大利 vs 泰國 () 5分為滿分

其實呢場比賽比較悶, 因為強弱太懸殊了.......意大利收埋左好多正選, 放左好多後備落場, 但後備球員都好犀利.......Piccinini都係簡唔中落場. 但泰國隊的快攻好好睇, 有D又幾靚........唔錯唔錯........

2nd match: 中國 vs 美國~「中美大戰」()

呢場係今日最精彩的賽事, 因為大家實力好平均, 大家都咁勁! 冇左趙蕊蕊的中國隊, 我係睇好USA的......今日Metcalf冇出到場, 都唔知佢係咪傷左, 有點擔心添.......其實中國 & 美國都係好平均, 兩隊好多時都輪流倒水. 先係中國, 後有美國........係第四局的時候, 香港觀眾的老毛病又再次出晒黎~大家好團結地為中國隊打氣, 同時亦向美國隊報以「噓」聲, 這就是香港人了, 死性不改!!! 討厭!!!

講真個句, 你「噓」黎有咩用呢? 不如留返啖氣幫中國隊打氣好過啦........係~~~~人地係國際賽水平, 唔會受你地影響, 但呢種做法的確係冇品. 中國隊贏其他隊就應該, 外隊贏我地中國隊就唔應該.......中國隊今次係贏左, 咁又點呢? 但觀眾輸左個品囉.....好多球隊都唔係咁鍾意香港既球迷, 咁就應該要檢討下啦! 呢D唔係話咩門面功夫, 係一定要做囉........要識得尊重!! 檢討下啦! 香港人 .........